11.07.2017 / 10:53

Віншуем, Фінляндыя! 15

2017 год — юбілейны год для Фінляндыі, якая вядома ва ўсім свеце сваім высокім узроўнем жыцця, развітай прамысловасцю, сістэмай адукацыі і спакойным менталітэтам сваіх жыхароў. Але што яшчэ мы ведаем пра яе? Стагоддзе незалежнасці Фінляндыі, якое будзе святкавацца і ў Беларусі, — шыкоўная нагода пазнаёміцца з фінскай культурай бліжэй.

Фантастычныя пейзажы фінскай Лапландыі, саўна, маржаванне, паўночнае ззянне, снежныя крэпасці, хакей, самабытная паўночная кухня, Санта Клаўс / Ёўлупукі — юбілейныя святкаванні будуць кранацца тых тэм, з якімі Фінляндыя асацыюецца ва ўсім свеце.

У гонар святкавання незалежнасці Фінляндыі Аддзяленне Пасольства Фінляндыі ў Рэспубліцы Беларусь аб’яўляе конкурс на найлепшае відэа «Віншуем, Фінляндыя!». Даўжыня відэавіншавання павінна складаць ад 10 да 30 секунд. Перавага будзе аддавацца арыгінальным і крэатыўным ролікам. Мова віншавання ў відэа — пажадана англійская, фінская, швецкая, беларуская ці руская.

Апошні тэрмін для падачы відэа — 20 ліпеня 2017 года. Адпраўляць відэафайлы можна праз WeTransfer на адрас электроннай пошты: info.finland@tut.by. Не забудзьцеся дадаць свае кантактныя дадзеная для зваротнай сувязі.

Пераможца конкурсу атрымае тур на дваіх у Фінляндыю з пражываннем у гатэлі Scandic Grand Marina і паездкай на пароме па маршруце Талін-Хельсінкі ад фінскай крэйсернай кампаніі Viking Line. Пералёт забяспечыць кампанія AirBaltic. 10 лепшых відэа будуць таксама ўзнагароджаны падарункамі і сувенірамі, прадастаўленымі Аддзяленнем пасольства Фінляндыі ў Беларусі. Узнагароджанне пераможцаў і дэманстрацыя лепшых ролікаў будзе арганізаваная на Фестывалі фінскага танга ў Мінску, які адбудзецца на пляцоўцы Верхняга горада каля гарадской Ратушы 29 ліпеня ў 13.00.

Хэдлайнерамі фестывалю выступяць папулярныя фінскія артысты — спявак, кароль фінскага танга Тээму Ройванен, а таксама танцоры фінскага танга Хана Аянахо і Віле Імонен і фокуснік-ілюзіяніст Ёні Паканен. Да фінскіх артыстаў далучацца беларускія калегі. Са стагадовым юбілеем незалежнасці Фінляндыю павіншуе Георгій Калдун, гурт Litesound, музыкальны праект BonVoyage, аркестр Алімпія Класіка і іншыя выканаўцы і высокія госці фестывалю.

За цікавосткі і забаўкі для гасцей фестывалю будуць адказваць спонсары і патрнёры: фінскія кампаніі Wärtsilä, Sibylla, Valio, SetCleanTech, Fortum і Paroc. Сярод партнёраў: ААТ «Лідскае піва», Leipurin, танцавальная студыя «Квартал», кампаніі Teknos і SuomiKids, гандлёвы цэнтр «Галерэя», сацыяльныя праекты Babystory, КерамАРТ і «Здаровы выбар». Фестываль супрацоўнічае з кампаніямі Sorainen, AirBaltic, Double Tree by Hilton и VikingLine.

Для гасцей і наведвальнікаў будуць арганізаваны танцавальныя майстар-класы ад прафесійных фінскіх і беларускіх танцораў. Тэрыторыю фестывалю падзеляць на тэматычныя зоны, у якіх можна будзе пагуляць у фінскія гарадкі і фларбол, узяць удзел у майстар-класах па прыгатаванні фінскай выпечкі, паесці на фуд-корце, паспрабаваць свае сілы на аўтаномным скаладроме, падтрымаць дабрачынныя і сацыяльныя праекты, пазнаёміцца з навінкамі фінскай літаратуры, прыняць удзел ва ўроках фінскай мовы і адкрыць для сябе магчымасці вандровак па Фінляндыі. Арганізатары не абмінуць увагай і юных удзельнікаў свята, для якіх будуць зладжаны спецыяльныя гульнявыя зоны.

Таксама фестываль наведае сапраўдны фінскі Дзед Мароз — Ёўлупукі, які прывязе з сабой крыху сапраўднай скандынаўскай зімы і будзе праводзіць час з гасцямі на працягу ўсяго мерапрыемства.

Фестываль пройдзе 29 ліпеня, у суботу, з 13.00 да 17.00.

Больш інфармацыі на www.finland100.by

1
Жвiр / Адказаць
11.07.2017 / 11:22
A ū nastupnym hodzie spoūnicca 100 hadoū BNR. Taksama Latvija budzie sviatkavac` stahoddzie dziaržavy ū nastupnym hodzie. 
1
Русафоб непамяркоуны, Змагар, Свядомы ,Пан , Беларус-туркабандэравец / Адказаць
11.07.2017 / 11:43
Вiшую Суомi, што яна вырвалася з лапау драпежнага , п'яна -таежанага, ашалелага мiшкi , i з'яуляецца для нас прыкладам. заможнага , цывiлiзаванага , еурапейскага жыцця . Слава Суомi !!! Вечна жыве Беларусь!!!
0
Жвiр / Адказаць
11.07.2017 / 12:33
Русафоб непамяркоуны, Змагар, Свядомы ,Пан , Беларус-туркабандэравец,
з'яуляецца для нас прыкладам. заможнага , цывiлiзаванага , еурапейскага жыцця
Jak tak ? U ich ža nafty niama ! Jany ž nikomu nidzie nie patrebny...i raptam, treba ž (!), zamožnyja, cyvilizavanyja, eūrapiejskija....Niešta tut nia tak, heta ž pa-za šablionam razumieņnia ! :)))
 
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру