14.07.2017 / 12:53

Вясковец не падзяліўся выпіўкай: яго збілі і скралі макарону 9

52-гадовы жыхар Маладзечанскага раёна вяртаўся з крамы, калі да яго падышлі знаёмыя і папрасілі падзяліцца выпіўкай альбо пазычыць грошай на спіртное. Той адмовіў і паспяшаўся дадому.

Трое мужчын спачатку выкрыквалі пагрозы, а пасля вырашылі дзейнічаць. Праз некалькі гадзінаў яны ўламіліся ў хату «сквапнага» вяскоўца.

«Зламыснікі пашкодзілі ўваходныя дзверы, выбілі вокны, праніклі ў дом і збілі гаспадара», — распавёў начальнік крымінальнага вышуку Маладзечанскага РАУС Андрэй Мялюк.

Збіццё, у тым ліку з выкарыстаннем падручных прадметаў, скончылася шматлікімі пераломамі касцей твара, ударам грудной клеткі і спіны.

Па словах пацярпелага, няпрошаныя госці таксама забралі ў яго музычныя калонкі, гадзіннік і пачак макароны, прычыніўшы шкоду на 50 рублёў.

Падазраваных знайшлі па гарачых слядах і затрымалі. У дачыненні да іх распачата крымінальная справа за асабліва злоснае хуліганства, санкцыя якой прадугледжвае пакаранне да 10 гадоў пазбаўлення волі.

УШ

0
Грязный гарри / Адказаць
14.07.2017 / 13:47
Вот что бырло животворящее с людьми делает! Еще больше квот и декалитров производителям на следующий год!
1
Валер / Адказаць
14.07.2017 / 13:48
Таких надо пожизненно закрывать. Скот ,который не дает жить людям и раз в 4 года определяет мою судьбу.
0
Владимир / Адказаць
14.07.2017 / 14:54
Как хулиганство? Тут чистая 207!
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру