Заходнія СМІ пішуць пра феномен Янет Гарсіі, 26-гадовай вядучай прагнозу надвор’я на тэлебачанні мексіканскага горада Мантэрэй.
На сёння Янет Гарсія мае 5 мільёнаў падпісчыкаў у інстаграме, яшчэ некалькі мільёнаў чалавек упадабалі яе старонку ў фэйсбуку. Гэта нават больш, чым у многіх зорак Галівуду.
Папулярнасць Гарсія набыла пасля таго, як у сацыяльных сетках яе пятую кропку пачалі параўноўваць з азадкам Кім Кардаш’ян.
Да таго як прыйсці на тэлебачанне Янет працавала мадэллю. Працу ж на ТБ лічыць трамплінам, каб «зрабіць мары яваю».
Пра яе пісалі TMZ і Playboy, называючы дзяўчынай, якая прымушае глядзець прагноз надвор’я.
Сама Янет абвяргае чуткі пра імпланты. Кажа, што яе фігура — гэта вынік 8-гадовай працы.