У Мінску за суткі выпала 77 мм дажджу — 87% месячнай нормы ападкаў. Гэта рэкорднае значэнне за ўсю гісторыю метэаназіранняў.
Пра гэта паведаміла намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.
Яна патлумачыла, чаму дождж у сталіцы быў найбольш інтэнсіўным.
«За кошт таго, што горад цяплейшы за навакольную мясцовасць, тут развівалася найбольш актыўная навальнічная дзейнасць з выхадам паветраных мас трапічнага паходжання. Адзначалася бурнае развіццё кучава-дажджавой воблачнасці», — расказала Святлана Рыбакова.
0
0
0
0
0
0
