Працэс пачнецца раніцай 27 ліпеня. Мужчыну вінавацяць у супраціве міліцыянту, яму пагражае да 5 гадоў турмы.
Нагадаем, канфлікт адбыўся ў навагоднюю ноч. Версіі адрозніваюцца: міліцыянты сцвярджаюць, што папрасілі 28-гадовага Андрэя зрабіць музыку ў кватэры цішэйшай, пасля чаго той кінуўся на аднаго з іх. Праваахоўнік вымушаны быў страляць, каб спыніць п’янага мужчыну.
Сям’я Андрэя запэўнівае, што шум бойкі і стрэлы пачаліся адразу, як толькі ён адчыніў дзверы міліцыянтам, пра музыку ніхто нічога не казаў.
Пасля здарэння шпіталізавалі дваіх: Андрэя з кулявымі раненнямі і міліцыянта з чэрапна-мазгавой траўмай.
Цяпер абодва паправіліся. Андрэя чакае суд.
0
0
0
0
0
0
