Прэзідэнт РФ Уладзімір Пуцін падпісаў федэральны закон аб ратыфікацыі пратакола да пагаднення аб размяшчэнні авіяцыйнай групы ўзброеных сіл Расіі на тэрыторыі Сірыі.
Як паведамляе ТАСС, пратакол, у прыватнасці, сведчыць, што для размяшчэння авіягрупы Сірыя перадае Расіі ў бязвыплатнае карыстанне зямельны ўчастак аэрадрома Хмеймім з аб'ектамі нерухомасці.
У дакуменце адзначаецца, што ён скіраваны на «ўсталяванне міжнародна-прававых асноў, якія рэгулююць умовы знаходжання расійскай авіягрупы ў САР, а таксама на ўмацаванне абараназдольнасці РФ і Сірыі».
Палажэннямі пратакола усталёўваецца, што пагадненне дзейнічае на працягу 49 гадоў i аўтаматычна працягваецца на наступныя 25-гадовыя перыяды.
0
0
0
0
0
0
