Каля пад'езда дома на праспекце Дзяржынскага ў Мінску было знойдзена цела мужчыны. Ім аказаўся генеральны дырэктар «Кінавідэапраката», дэпутат Мінгарсавета Юрый Чачукевіч, колішні лідар мінскага аддзялення БРСМ.
Загінуламу было 35 гадоў. Чачукевіч не жанаты, дзяцей няма.
Чачукевіч быў у цёмных штанах и лёгкай кашулі. Відавочцы, знаёмыя з ім, кажуць, што на працу ён так не апранаўся. Ды і пазнавата было для працы — 9:42.
Па словах відавочцаў, акрамя тэлефона і ключоў пры ім нічога не было — ні дакументаў, ні кашалька.
Некаторыя сцвярджаюць, што бачылі на месцы двух сілавікоў з генеральскімі пагонамі. На дадзены момант на паверсе і ў кватэры загінулага працуюць следчыя, паведамляе карэспандэнт «Нашай Нівы».
Некалькі гадзін, пакуль цела ляжала каля пад'езда і праводзіліся следчыя дзеянні, маці нябожчыка каля пад'езда галасіла па сыну.
Цяпер чытаюць
У будынку ГУБАЗіКа ў цэнтры Мінска адкрыюць малую сцэну тэатра Янкі Купалы11
Каментары