Грамадства161161

Пераможца конкурсу пісьменнікаў папрасіў Чаргінца прамаўляць на ўзнагароджванні па-беларуску. Чаргінец: «Сукін сын»

Скандальная сітуацыя здарылася падчас уручэння прэміі праўладнага Саюза пісьменнікаў «Скарынавай душой узлашчанае слова».

Прэмію атрымаў малады літаратар Антось Уласенка, узнагароджвалі яго старшыня Саюза пісьменнікаў генерал Мікалай Чаргінец і ягоны намеснік Анатоль Крэйдзіч.

У гэтым момант здарылася неспадзяванка: Уласенка папрасіў Чаргінца гаварыць па-беларуску, маўляў, аўтар беларускамоўны, кніга таксама.

Чаргінец у адказ абвінаваціў хлопца ў вузкім бачанні свету, аддаў дыплом.

Прынамсі, так гэтую сітуацыю апісваюць сведкі.

«Наша Ніва» пацікавілася ў Мікалая Чаргінца, ці сапраўды ён не здолеў сказаць пары словаў па-беларуску.

«Гэта хлусня, — сказаў Чаргінец. — Хлопец напісаў добрую рэч. Мы ж шукаем таленты, і першыя месцы занялі работы па-беларуску, я вам скажу. А Уласенка — правакатар! Ён мне заяўляе: «Не хачу ціснуць вам руку, бо вы гаворыце на акупацыйнай мове». Але перад ім жа выступаў і мой намеснік, з якім мы дамовіліся, што ён будзе казаць па-беларуску».

«Я не ўмею бездакорна гаварыць, так. Але я — беларус, я за беларускую мову! У мяне ж сітуацыя такая… Пасля вайны я трапіў у адзіную мужчынскую сярэднюю школу, №13. Бацька прыйшоў бязногім з вайны, маці непісьменная была. Вучыўся да 7 класа, там беларускую мову выкладалі як і нямецкую — раз чытанне, раз мова на тыдзень. Потым пайшоў у школу рабочай моладзі, там не было мовы. Пасля скончыў школу трэнераў, там не было мовы. Паступіў на журфак — там таксама не было мовы — пасля перавёўся на юрфак, ну вы зразумелі. Потым тры гады служыў у Афганістане і гэтак далей. І што я, павінен каяцца перад хлопцам гэтым? Падаць на калені? Ён гэтым хваліцца, што з вёскі, дзе мова захавалася. Ён сабе ачкі набірае, што ён «змагар». Не трэба гэтага! То некаторыя думаюць: уключальнік шчоўкнуў у галаве — і ўсе загаварылі. Не будзе так. Трэба прыцягваць увагу да курсаў беларускай мовы, праводзіць тлумачальную работу, што мы сваю мову маем ведаць лепш за рускую. Але не трэба прыніжаць тых, хто спрычыніўся да таго, каб гэты сукін сын хаця б меў магчымасць вывучаць і гаварыць на мове, і хлеб еў нармальны», — выказаўся Чаргінец.

Каментары161

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення18

Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення

Усе навіны →
Усе навіны

Праз два тыдні ў Мінску пачнуць адключаць гарачую ваду. Глядзіце адрасы

У Польшчы затрымалі беларуса з пісталетам — ён сказаў, што едзе ваяваць у Беларусь2

Стала вядома асоба беларуса, якога падазраваюць у выбуху ў Ханты-Мансійску2

Эканаміст Дзмітрый Крук дае песімістычны прагноз для беларускага бізнэсу. У прадпрымальнікаў тры варыянты

Каго прымуць у ЕС у найбліжэйшыя гады?1

Аб'яднаны пераходны кабінет Беларусі хочуць прызнаць «тэрарыстычнай арганізацыяй»1

У кадр зноў трапіла, якім памерам шрыфта для Лукашэнкі друкуюць выступы, каб ён бачыў19

У Расіі за падрыхтоўку дыверсіі супраць расійскага вайскоўца затрыманы беларус

Беларускі трэнер расказаў, якую смешную задачу яму паставілі ў чэмпіянаце Кітая па хакеі

больш чытаных навін
больш лайканых навін

Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення18

Амерыканцы дабіліся вызвалення Юрыя Зянковіча. Ён быў прысуджаны да 11 гадоў зняволення

Галоўнае
Усе навіны →

Заўвага:

 

 

 

 

Закрыць Паведаміць