Кабінет міністраў Украіны прызначыў пажыццёвую стыпендыю бацькам беларуса Міхала Жызнеўскага — аднаго з першых забітых на вуліцы Грушэўскага ў Кіеве падчас падзей Еўрамайдану ў студзені 2014 года.
Паводле выдання Цензор.НЕТ са спасылкай на Міністэрства сацыяльнай палітыкі, бацькі Героя Нябеснай сотні, грамадзяніна Беларусі Міхала Жызнеўскага цяпер будуць мець магчымасьць атрымліваць пажыцьцёвую стыпендыю праз банкаўскі рахунак, адкрыты ў адным з украінскіх банкаў.
Як паведаміла Свабодзе маці забітага Ніна Жызнеўская, дапамога складае 230 BYN у месяц і сям’я атрымлівае яе ўжо больш за год.
«Спачатку прызначылі стыпендыю, і толькі праз нейкі час далі зорку Героя Украіны. Гэтае званне сімвалічнае, ніякай матэрыяльнай дапамогі не нясе. Але, прынамсі, цяпер ніхто не чапае магілу сына — ведаюць, што там пахаваны Герой Украіны. Гэта вельмі важна», — сказала Ніна Жызьнеўская.
Міхал Жызнеўскі стаў першым замежным грамадзянінам, уганараваным званнем Герой Украіны. 13 чэрвеня ўкраінскі прэзідэнт Пятро Парашэнка ўручыў зорку Героя Украіны яго бацькам — Міхаілу і Ніне Жызнеўскім.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Цяпер чытаюць
Паветраная гімнастка паказала закуліссе працы ў Белдзяржцырку7
Каментары