Чакаецца, што новы рэктар заступіць на пасаду ў першай чвэрці 2018 г. Адабраны кандыдат будзе працаўладкаваны на пяць гадоў з дамоўленым заробкам і ўмовамі працаўладкавання, адзначаецца ў прэс-рэлізе ўніверсітэта.
Асноўныя кваліфікацыйныя патрабаванні:
— доктарская (PhD) ці эквівалентная ступень у адпаведнай акадэмічнай галіне;
— мінімум 15-гадовы вопыт выкладання і навукова-даследчай дзейнасці на ўніверсітэцкім узроўні, пажадана ў галіне сацыяльных і гуманітарных навук, у тым ліку і адпаведны вопыт у галіне міжнароднага ўніверсітэцкага супрацоўніцтва;
— мінімум 5-гадовы вопыт працы на высокай кіруючай пасаде ў галіне вышэйшай адукацыі;
— досвед працы са структурамі Еўрапейскага саюза, у тым ліку ўзаемадзеянне з еўрапейскімі праграмамі і/ці праектамі;
— свабоднае валоданне англійскай мовай. Валоданне беларускай і/ці рускай мовай, а таксама валоданне іншымі еўрапейскімі мовамі ўлічваецца ў якасці станоўчага фактара;
— веданне рэгіянальнага сацыякультурнага кантэксту ды досвед універсітэцкай працы ў постсавецкім рэгіёне Усходняй Еўропы ці краін Балтыі ўлічваецца ў якасці перавагі.
Апошні тэрмін падачы намінацый і заявак — 20 верасня. Мяркуецца, што імя рэктара будзе названа 20-26 лістапада
***
Год таму ЕГУ абвяшчаў конкурс на пасаду рэктара, але справа зайшла ў тупік.
Былы рэктар ЕГУ Дэвід Полік, які не валодаў ні рускай, ні беларускай мовамі, займаў гэтую пасаду з красавіка 2015 года да канца чэрвеня 2016 года. Выканаўцам абавязкаў рэктара ЕГУ ў кастрычніку 2016 года быў прызначаны датчанін Ёрген Ёргенсэн.