Удзень 14 жніўня мінская міліцыя спыніла «Фальксваген Гольф», які ехаў без аднаго з задніх колаў.
Аўтамабіль рухаўся па вуліцы Радыяльнай. Супрацоўнікі ДАІ, заўважыўшы задымленне, спынілі машыну.
70-гадовы пенсіянер, які быў за стырном, распавёў, што ехаў з вёскі ў Мінск, але па дарозе прабіў кола. Мужчына паклаў яго на задняе сядзенне і працягнуў рух.
Праўда, аказалася, што мінчук не мае правоў, бо непрыдатны да кіравання па медыцынскіх паказаннях. Машыну эвакуатарам даставілі яму дахаты.
0
0
0
0
0
0
