Трагедыя адбылася ўвечары 18 жніўня на кукурузным полі паблізу аграгарадка Заполле.
Механізатар СУП «Забалоцце-2010», прыбіраючы на камбайне «Палессе» кукурузу на сілас, здзейсніў наезд на мужчыну. Пацярпелы атрымаў шматлікія цялесныя пашкоджанні і памёр на месцы.
Праводзяцца экспертызы, у тым ліку высвятляецца, у якім стане знаходзіўся загінулы ў момант наезду на яго камбайна. Мяркуецца, што механізатар фізічна не мог заўважыць чалавека, які па невядомых прычынах знаходзіўся пасярод кукурузы вышынёй у некалькі метраў, паведамляе міліцыя.