44-гадовага мужчыну затрымалі з партыяй наркотыкаў. Іх мужчына вёз у прамой кішцы.
Міліцыянты ведалі, што жыхар Уладзікаўказа возіць гераін з Масквы ў Мінск. Калі яго затрымалі, наркотык не знайшлі, але мужчына прызнаўся, дзе хавае груз. Непасрэдна з кур’ера дасталі восем пакункаў гераіна па 3 грама ў кожным.
Афіцыйна мужчына нідзе не працуе, жыве ў Мінску ў знаёмых, раней быў судзімы ў Беларусі за разбой і махлярства. У 2015 годзе ён вызваліўся з турмы і быў дэпартаваны ў Расію з забаронай на ўезд у нашу краіну на 10 гадоў. Але, як бачым, вярнуўся.
Цяпер мужчыну пагражае да 13 гадоў пазбаўлення волі.