Аляксандр Лукашэнка ў апошні дзень лета зрабіў адно важнае кадравае прызначэнне. З’явіўся камандуючы Вайскова-паветранымі сіламі і войскамі СПА.
Ім стаў 49-гадовы Ігар Голуб, які да апошняга часу з’яўляўся намеснікам камандуючага ВПС і войскаў СПА. Пасада была вакантнай пасля таго, як Алег Двігалёў пайшоў на павышэнне і быў прызначаны кіраўніком вайскова-прамысловага камітэта.
Ігар Голуб нарадзіўся ў Чарнігаве (Украіна). Там жа скончыў вышэйшае вайсковае авіяцыйнае вучылішча лётчыкаў.
Сваю вайсковую кар’еру пачынаў у беларускім Шчучыне, у складзе 979-га знішчальнага авіяцыйнага палка, пасля быў у Паставах у 378-м асобным штурмавым авіяцыйным палку. Быў камандуючым у 206-й знішчальнай авіяцыйнай дывізіі ў Лідзе.
Адметна, што Ігар Голуб з тых сілавікоў, хто не атрымліваў адукацыі ў Расіі. У 2005 ён скончыў Вайсковую акадэмію Беларусі, а ў 2011 падмацаваў адукацыю, скончыўшы факультэт Генштаба Вайсковай акадэміі.
Ігар Голуб мае званне генерал-маёра.
Андрэй Гурцэвіч, які да апошняга часу быў начальнікам факультэта Генеральнага штаба, стаў намеснікам у Ігара Голуба.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары