Інтэрвію Саакашвілі трансьлявалася вечарам у прайм‑тайм у нядзелю 7 верасьня.
«Расейцы хацелі бамбіць Тбілісі, аднак адмовіліся ад гэтай задумы, бо там (у сталіцы Грузіі) знаходзіўся прэзыдэнт Лех Качынскі разам з прэзыдэнтамі дзяржаў Цэнтральнай і Усходняй Эўропы».
М. Cаакашвілі падзякаваў Качынскаму і міністру замежных спраў Польшчы Радаславу Сікорскаму за «ангажаванасьць у грузінскія справы ў самы складаны момант».
***
На тэрыторыі Паўднёвай Асеціі, каля гораду Каралеці патруль расейскіх вайскоўцаў і асецінскіх міліцыянтаў затрымаў групу журналістаў Польскага тэлебачаньня (TVP), паведамляе польскі партал Puls Biznesu. У журналістаў канфіскавалі ўсю апаратуру, што знаходзілася ў іхным аўто, у тым ліку камэры і мабільныя тэлефоны. Затрыманых адвезьлі ў невядомым накірунку і на дадзены момант іх месцазнаходжаньне невядомае.
Па розных зьвестках, цягам вайсковага канфлікту паміж Расеяй і Грузіяй былі забітыя тры журналісты і дванаццаць параненыя. 14 жніўня расейскі вайсковец абстраляў журналіста ў Поці, а 15 жніўня ў Цхінвалі пад абстрэл патрапілі турэцкія журналісты, адзін быў паранены ў галаву.
