Зь 15 верасьня па 20 кастрычніка менскі кінатэатар “Ракета” паказвае грузінскія шэдэўры ў праграме “Фаварыты кіно”.
Грузінскае кіно – бясспрэчны дыямэнт у сусьветным мастацтве. Ізноў ўбачыць яго могуць беларускія гледачы.
Будзе паказаная трылёгія Тэнгіза Абуладзэ “Мальба”, “Дрэва жаданьня” і “Каята”. Фільм “Каята” 1984 году многія гледачы добра памятаюць. З прэм’еры гэтай антытаталітарнай карціны і пачалася перабудова. Але раньнія шэдэўры Абуладзэ “Мальба” 1967 і “Дрэва жаданьня” 1976 году складаюць з “Каятою” адзінае паэтычнае цэлае.
Карцінамі “Пастараль” 1975 году й “Фаварыты поўні” 1984 будзе прадстаўлена творчасьць Атара Іаселіяні.
А стужкай Георгія Данэліі “Не сумуй” 1969 году – праграма завершыцца.
Расклад паказаў:15 верасьня – “Мальба”
22 верасьня – “Дрэва жаданьня”
29 верасьня – “Каята”
6 кастрычніка – “Пастараль”
13 кастрычніка – “Фаварыты поўні”
20 кастрычніка – “Не сумуй”
Пачатак кінапаказаў а 19.00.
Тэлефон для даведак: 298-25-00. Адрас кінатэатру Працоўны завулак, 3.
