Санаторый-прафілякторый пісьменьнікаў каля Ракава прадалі менскаму ААТ «Белінвэсткапітал» за 3,5 млрд. рублёў
Такія вынікі адкрытага аўкцыёну, які адбыўся 2 кастрычніка ў Дзяржаўным камітэце па маёмасьці.
Стартавы кошт аб'екта склаў 2 млрд. 740 млн. 775 тыс. рублёў — так яго ацаніла камісія па ліквідацыі Беллітфонду. У аўкцыёне ўзялі ўдзел два пакупнікі.
Комплекс плошчай 26,7 гектара месьціцца на беразе ракі Іслач і ўключае галоўны корпус Дома пісьменьнікаў, жылыя, гаспадарчыя і службовыя пабудовы, фінскую лазьню, кантрольна-прапускны пункт, вадапомпавую станцыю, інжынэрныя сеткі, малыя архітэктурныя формы і цяпліцу.
Гэта ўжо другі аўкцыён: пераможца першага ў выніку так і не сабраў неабходнай сумы для выплаты.
0
0
0
0
0
0