Славуты расейскі эрудыт Анатоль Васэрман, удзельнік інтэлектуальных шоў «Што? Дзе? Калі?» і «Свая гульня» дазволіў сабе непаважныя выказваньні на адрас беларускай і ўкраінскай моваў.
«Выбачайце, што карыстаюся не беларускім дыялектам расейскай мовы (я з ім занадта дрэнна знаёмы) і не ўкраінскім дыялектам (яго часта выкарыстоўваюць як палітычную адмычку)», — так Васэрман (у выглядзе блогера awas1952) адказвае беларускай моладзевай актывістцы Тацяне Елавой (блогер zmagarka). Пачалася спрэчка з розьніцы поглядаў на сутнасьць флэшмобаў.
Сьледам знаток расказвае, адкуль ёсьць пайшлі беларускі і украінскі «дыялекты»: «У другой палове XIX стагодзьдзя групы філёлягаў і літаратараў (часткова апантаных уласнымі амбіцыямі, часткова фінансаваных Аўстрыяй) сталі зьбіраць і параўноўваць мясцовыя гаворкі па рэгіёнах Русі, якія калісьці ўваходзілі ў склад Жэчы Паспалітэй. Такім чынам набралася дастаткова словаў для апісаньня побытавых сытуацыяў (мясцовыя гаворкі захоўваліся толькі ў сфэрах, ніяк не зьвязаных з агульнарасейскім прагрэсам — таму навуковая, тэхнічная, эканамічная, палітычная, мастацтвазнаўчая і да т.п. тэрміналёгія ў новых слоўніках зусім адсутнічала). Сьляды гэтага будаўніцтва фармальнай апоры для прапаганды розьніцы «трох усходнеславянскіх народаў» можна знайсьці ў дакумэнтах той эпохі».
Гэтая «кароткая гісторыя моваў» вызвала шквал эмоцыяў у беларускім сэктары інтэрнэту. «А яшчэ, — кпіць блогер lesnoi_slon, —
гэтыя групы філёлягаў пісалі летапісы і выдрапвалі берасьцяныя граматы, якія пасьля закопваліі выдавалі за старажытныя».
