29.10.2008 / 13:35

Дачка Аляксандра Патупы зрабіла казачную кар'еру 9

Алену Патупу намінавалі на прэстыжную прэмію Stevie Awards. Беларуска зрабіла бізнэс на сакрэце амэрыканскай душы...

Алена Патупа, бізнэс-вумэн

Алена Патупа, дачка ганаровага старшыні саюза прадпрымальнікаў Аляксандра Патупы, намінаваная на прэстыжную міжнародную прэмію Stevie Awards у катэгорыі «Найлепшаму прадпрымальніку ў сфэры абслугоўваньня».

Прэмію Stevie Awards газэта New York Post называе «Оскарам для бізнэсоўцаў». Пераможца прэміі будзе абвешчаны 14 лістапада падчас ўрачыстага вечара ў «Маркіз-Гатэлі» ў Нью-Ёрку.

Алена Патупа вырасла ў Менску, у 20 год скончыла Інстытут правазнаўства, пераехала ў ЗША. У штаце Нью-Джэрзі атрымала ступень магістра ў сфэры бізнэс-адміністрацыі ва Унівэрсытэце Дыкінсана. Блізу 10 год працуе ў сфэры інтэрнэт-продажаў. У 2004 на агульнаамэрыканскім конкурсе камэрцыйных сайтаў атрымала ўзнагароду Golden Link («Залатое злучво») за інавацыйны падыход пры пабудове інтэрнэт-старонак. Год таму Алена ўжо была фіналісткай прэміі Stevie Awards па той жа катэгорыі.

Алена Патупа адкрыла сакрэт амэрыканскай душы — штатаўцы любяць зьніжкі больш за рэчы, якія купленыя па гэтых зьніжках.
Сэйлы, або распродажы, у Амэрыцы — вар’яцтва ў нацыянальным маштабе. Тут нават зьявілася жартоўная прымаўка: «Ня важна, колькі ты зарабляеш, важна, як танна ты купляеш». Аляксандар Патупа, бацька Алены кажа, што цяпер, калі Штаты хапіў эканамічны крызыс і калі амэрыканцы ахвотней набываюць тавары са зьніжкамі, бізнэс Алены толькі квітнее».

Усё працуе так: Алена, уладальніца сайта Wow-Coupons.com, зьвяртаецца да якой-небудзь буйной сеткі крамаў і просіць у яе дазволу зрабіць зьніжку на нейкі тавар. Потым задарма «раздае» праз Сеціва купоны, які даюць экслюзыўнае права купіць той тавар за зьніжкай («толькі раздрукуй і захавай!» — кажа рэкляма на сайце). Усе задаволеныя — Алена мае пэўны адсотак ад продажу тавару, а гандлёвая сетка таксама ў прыбытку — людзі, падаахвочаныя купонамі са зьніжкай, больш завітваюць па пакупкі. У дадатак Алена прыдумала для сваіх купонаў запамінальную назву Wow-coupon. Спрадвечна-амэрыканскі Выгук «Ваў!» выражае шырокі спэктар пачуцьцяў: ад зьдзіўленьня да крыкаў жарсьці. Wow-coupon на беларускую можна перакласьці прыблізна, як «Ух-ты-які-купон!».

«Высьвятляецца, што для працуючай маці-адзіночкі продажы праз інтэрнэт такі могуць быць сур’ёзным заняткам, — кажа Алена, і дадае: —

«Я такая: маладая мэнэджэрка, носам чую выгадную зьдзелку, маю здольнасьці і сына, які заслугоўвае ўсяго найлепшага».

Павал Касьцюкевіч

0
Ігар зь Менску / Адказаць
29.10.2008 / 14:15
Дык і дзяўчына ж сымпатычная! Фота тут - http://www.wow-coupons.com/about.php
0
А. / Адказаць
29.10.2008 / 14:33
Молодец! Только бы еще папу хорошего для ее сына!
0
Аська / Адказаць
29.10.2008 / 14:35
Вітаю, Алена, вас і вашу сям'ю. Жаль, што наша краіна з-за тупога кіраўніцтва губляе такіх разумных людзей як Вы.
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру