18-гадовага актывіста апазыцыі Станіслава Сенакосава адлічылі з Магілёўскага прафэсійнага ліцэю № 2.
Актывіст цьвердзіць, што нагодай для адлічэньня сталася ягоная грамадзкая дзейнасьць. У адміністрацыі ліцэю сьцьвярджаюць, што хлопец нібыта «груба парушыў дысцыпліну».
Кіраўніцтва ліцэю адмаўляе, што Сенакосава адлічылі за грамадзкую дзейнасьць. Яно цьвердзіць, што нагодай для адлічэньня сталася грубае парушэньне дысцыпліны: ён нібыта абразіў гардэробшчыцу.
Выпадак з Станіславам Сенакосавым — трэці ў Магілёве. У верасьні зь дзяржаўнага ўнівэрсытэту імя Куляшова адлічылі рэгіянальную каардынатарку аргкамітэту Беларускай хрысьціянскай дэмакратыі Тацяну Шамбалаву ды актывіста Маладога Фронту Расьціслава Панкратава. Прычынай стала нібыта дрэннае навучаньне. Самі ж яны цьвердзяць, што адлічылі іх за грамадзкую дзейнасьць.
