У нядзелю, 16 лістапада, прайшоў 30-ты тур чэмпіянату Беларусі па футболе ў вышэйшай лізе.
Лёс сярэбраных мэдалёў вырашыўся ў Магілёве, дзе менскія «дынамаўцы» перамаглі «Савіт», што пакідае вышэйшы дывізіён, зь лікам 4:1.
МТЗ-РІПА, прайграўшы ў Гомелі (1:3, прычым менчукі лік адкрылі ў матчы), застаўся на трэцім месцы. У трактарыстаў такім чынам – бронза.
Астатнія вынікі:
«Лякаматыў» Менск – «Дынама» Берасьце – 2:0, БАТЭ – ФК «Віцебск» – 1:1, «Шахцёр» Салігорск – «Дарыда» Менскі раён – 1:0, «Нафтан» Наваполацк – «Тарпэда» Жодзіна – 0:0, «Смаргонь» – «Дняпро» Магілёў – 1:0, «Граніт» Мікашэвічы – «Нёман» Горадня – 1:1.
Турнірнае становішча: БАТЭ – 67, Дынама Менск – 62, МТЗ-РІПА – 57,
Шахцёр – 51, Віцебск – 51, Дынама Берасьце – 47, Нафтан – 46, Смаргонь – 39, Дняпро – 38, Граніт – 36, Гомель – 33, Нёман – 33, Тарпэда – 31, Лякаматыў – 25, Савіт – 21, Дарыда – 19.
Вышэйшую лігу пакідаюць «Дарыда», «Савіт», «Лякаматыў».
Зь першай лігі ў вышэйшую выйшаў толькі адзін клюб – ФК «Менск», бо ў наступным годзе ў чэмпіянаце будзе 14 каманд. Рэглямэнт той жа, як летась: тры каманды пакінуць вышэйшы дывізіён, каб саступіць месца аднаму клюб.
У сэзоне-2010 чэмпіянат распачнуць 12 камандаў, калі, натуральна, у нас нічога не памяняецца.
***
Што праўда, сэзон яшчэ ня скончаны.19 лістапада зборная Беларусі на Кіпры правядзе таварыскі матч са зборнай гэтай краіны.
20 лістапада пройдуць два матчы ў адказ 1/8 Кубку Беларусі: «Менск» – БАТЭ, «Тарпэда» – «Віцебск».
***
Ну і БАТЭ ў Лізе чэмпіёнаў згуляе 25 лістапада з «Рэалам», які ў суботу прайграў у гасьцях «Вальядаліду»,
а 10 сьнежня з «Ювэнтусам».