Аляксандр Лукашэнка ўручыў сёння дыпломы доктара навук і атэстаты прафесара навуковым і навукова-педагагічным работнікам, піша БелТА
Ён адзначыў, што ва ўсе часы навуцы было цесна ў рамках дзяржаўных і геапалітычных межаў, яна нязменна належыць усяму чалавецтву і закліканая служыць на карысць цывілізацыі. «Ваш адвечны тэзіс — навука інтэрнацыянальная. І вам, беларускім навукоўцам, як і ўсёй сусветнай навуковай супольнасці, трэба будзе яшчэ нямала зрабіць, каб адказаць на беспрэцэдэнтныя па складанасці і шматмернасці сучасныя выклікі», — сказаў ён.
Так, трэба працягнуць пошук альтэрнатыўных крыніц энергіі, спыніць незваротныя экалагічныя змены, адкрыць новыя спосабы прафілактыкі невылечных хвароб і барацьбы з імі, пераадолець харчовыя крызісы і вырашыць многія іншыя праблемы, актуальныя для ўсіх жыхароў планеты. «Але ў маштабах сваёй краіны мы павінны разам працаваць перш за ўсё на дасягненне дзяржаўных стратэгічных мэтаў», - падкрэсліў Аляксандр Лукашэнка.
Ён дадаў, што неабходна павышаць канкурэнтаздольнасць айчыннай эканомікі, гарантаваць нацыянальную бяспеку Беларусі, умацоўваючы суверэнітэт краіны. «І, накіроўваючы свой талент, майстэрства на далейшае стварэнне, змяняць увесь свет да лепшага, падымаць чалавецтва на новую ступень развіцця. Таму што там, дзе высока стаіць навука, высока будзе стаяць і чалавек», - заявіў кіраўнік дзяржавы.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце26
Каментары