У дзяржаўных установах аховы здароўя плануецца павялічыць колькасць платных паслуг.
У дзяржаўных установах аховы здароўя Беларусі плануецца павялічыць колькасць платных паслуг. Пра гэта паведаміў міністр аховы здароўя Васіль Жарко 23 снежня на прэс‑канферэнцыі ў Мінску.
Паводле яго слоў, цяпер гэтае пытанне разглядаецца ў міністэрстве, адпаведная прапанова ў Саўмін яшчэ не ўнесена.
«Мы думаем над гэтым, бо платныя медыцынскія паслугі — гэта таксама прыработак лячэбных устаноў для ўмацавання матэрыяльна‑тэхнічнай базы і стымулявання аплаты працы нашых медыцынскіх работнікаў», — сказаў В.Жарко.
Паводле яго слоў, пры пашырэнні пераліку платных паслуг інтарэсы грамадзян ушчамляцца не будуць. «Тое, што закладзена ў сацыяльныя стандарты, павінна выконвацца», — зазначыў міністр.
0
0
0
0
0
0
