Паводле прагнозу Рэспубліканскага гідраметэацэнтра, у Беларусі 9 студзеня будзе воблачна.
На большай частцы тэрыторыі снег, мяцеліца, па Віцебскай і Магілёўскай абласцях месцамі моцны снег. На асобных участках дарог галалёдзіца. Вецер заходні 6—11 м/с, месцамі парывы да 15—18 м/с. Тэмпература паветра ноччу мінус 8—13°C, па ўсходзе да мінус 14—20°C, днём мінус 6 — плюс 1°C.
Заўтра ў Мінску будзе воблачна. Часам снег, мяцеліца. На асобных участка дарог галалёдзіца. Вецер заходні 6—11 м/с, парывы да 14 м/с. Тэмпература паветра ноччу мінус 10—12°C, днём мінус 3—5°C, к вечару павышэнне да 0°C.
У наступныя двое сутак, 10 і 11 студзеня, па краіне чакаецца воблачнае з праясненнямі надвор’е.
10 студзеня ноччу на большай частцы тэрыторыі, днём пераважна па Гомельскай і Магілёўскай абласцях месцамі кароткачасовы снег. Ноччу ў асобных раёнах мяцеліца. Вецер паўночны 5—10 м/с, ноччу парывы да 14 м/с. Тэмпература паветра на працягу сутак мінус 2—9°C, ноччу па поўначы да мінус 14°C.
11 студзеня пераважна без ападкаў, толькі па поўначы месцамі невялікі снег, мокры снег. Ноччу і раніцай у асобных раёнах туман, шэрань. Вецер паўднёва‑заходні 4—9 м/с, па поўначы парывы да 14 м/с. Тэмпература паветра ноччу мінус 5—12°C, пры праясненнях да мінус 15—20°C, днём 0 — мінус 6°C, па паўднёвым усходзе да мінус 10°C.
10 студзеня ў Мінску будзе воблачна з праясненнямі. Ноччу кароткачасовы снег, слабая мяцеліца, днём без істотных ападкаў. Вецер паўночны 5—10 м/с, ноччу парывы да 14 м/с. Тэмпература паветра на працягу сутак мінус 3—5°C, к вечару паніжэнне да мінус 8°C.