Ля дзвярэй ясляў - мноства кветак і дзіцячых цацак Фота Le Soir
У Бельгіі сталі вядомыя новыя падрабязнасці нападу на яслі, падчас якога загінулі двое маленькіх дзетак і выхавацелька.
 Кім дэ Гельдэр |
20‑гадовы нападнік быў ўзброены тры нажамі і сякерай, а на ім была бронекамізэлька.
Апроч таго, у кішэні быў знойдзены адрас яшчэ адных ясляў.
Злачынцу завуць Кім дэ Гельдэр. Паліцыя заяўляе, што ён падазраецца таксама ў забойстве 73‑гадовай жанчыны, якую зарэзалі ў яе ўласнай кватэры непадалёк ад Антверпэна.
Паводле апошняй інфармацыі, падазраваны жыў у невялікай вёсачцы непадалёк ад Дэндэрмондэ (фр. Тэрмон) — гораду, дзе ў пятніцу адбылася трагедыя. Прыкладна за два тыдні да гэтага ён страціў працу.
Суд адбудзецца ўжо ў аўторак. Абвінавачаны сваю віну адмаўляе.
0
0
0
0
0
0
