Прагноз надвор’я ў Беларусі на 14—16 лютага.
Паводле прагнозу Рэспубліканскага гідраметэацэнтра, у Беларусі 14 лютага будзе воблачна. Снег, мокры снег, слабая мяцеліца, у Гомельскай вобласці магчымы дождж. Месцамі наліпанне мокрага снегу, у паўднёва‑ўсходніх раёнах туман. На асобных участках дарог галалёдзіца. Вецер паўночны 4—9 м/с. Тэмпература паветра на працягу сутак мінус 3 — плюс 3°С.
Заўтра ў Мінску — воблачна. Снег, мокры снег, слабая мяцеліца. На асобных участках дарог галалёдзіца. Вецер паўночна‑ўсходні 4—9 м/с. Тэмпература паветра ноччу 0 — мінус 2°С, днём каля 0°С.
У наступныя двое сутак, 15 і 16 лютага, па краіне захаваецца воблачнае надвор’е. Часам снег, па ўсходзе месцамі моцны. На дарогах галалёдзіца. Вецер паўночны 5—10 м/с. Тэмпература паветра: 15 лютага ноччу 0 — мінус 5°C, днём мінус 4 — плюс 1°C; 16 лютага ноччу мінус 2—8°C, днём 0 — мінус 6°C.
У Мінску 15 лютага будзе воблачна. Часам снег. На дарогах галалёдзіца. Вецер паўночны 5—10 м/с. Тэмпература паветра ноччу мінус 2—4°С, днём мінус 1—3°С.
