Трое вайскоўцаў пацярпелі ў выніку пажару ў парку 11-й асобнай механізаванай брыгады ў Слоніме (Гродзенская вобласць).
Як было аб'яўлена ў праграме "Панарама" Першага нацыянальнага тэлеканала, здарэнне адбылося ў сярэдзіне дня 19 лютага. У парку злучэння падчас планавых заняткаў па баявой падрыхтоўцы загарэўся танк.
Узгаранне ўдалося хутка ліквідаваць, аднак члены экіпажа атрымалі апёкі рознай ступені цяжкасці і шпіталізаваныя.
Прычыны пажару высвятляюцца.
У Беларускай ваеннай пракуратуры пакуль не змаглі прадаставіць больш падрабязную інфармацыю аб здарэнні. Супрацоўнікі БВП выязджалі на месца здарэння.
0
0
0
0
0
0