На другой спецыялiзаванай канферэнцыi «Агратурызм у Рэспублiцы Беларусь — стан i перспектывы развiцця» былi аб’яўлены вынiкi першага рэспублiканскага конкурсу «Лепшая сядзiба года».
Гран‑пры атрымала сядзiба «Над Нёманам» (Лiдскi раён).
У якасцi ўзнагароды гаспадары Аксана i Валерый Сялькоўскiя паедуць па турыстычных пуцёўках на iтальянскi востраў Сардынiя.
У намiнацыi «Гасцiннасць» перамагла сядзiба «На Зарэчнай вулiцы» (Кобрынскi раён). Лепшымi «зялёнымi» сядзiбамi былi прызнаны «Кролава хата» (Расонскi раён) i «Дакудава» (Лiдскi раён).
У намiнацыi «Стыль i гармонiя» лепшай стала сядзiба «Вязынка» (Маладзечанскi раён), у намiнацыi «Здаровы лад жыцця» — сядзiба «Пясчаны бераг» (Быхаўскi раён). У намiнацыi «За захаванне беларускiх традыцый» бясспрэчным лiдарам стала сядзiба «Прыазёрная» Лепельскага раёна.
