Улады Ухані ў кітайскай правінцыі Хубэй паведамілі, што ў горадзе ўвесь час выяўляюць выпадкі захворвання на пнеўманію невядомага паходжання, піша ria.ru.
«У сувязі з няспынным выяўленнем выпадкаў запалення лёгкіх невядомага паходжання просім усе медыцынскія ўстановы весці статыстыку і адсочваць сітуацыю з хворымі і неадкладна паведамляць пра гэта»,— гаворыцца ў распаўсюджаным у панядзелак паведамленні гарадскога камітэта па ахове здароўя.
У ведамстве пацвердзілі мясцовым СМІ, што медыкі высвятляюць, да якога віду адносіцца захворванне, а хворым праводзіцца ізаляванае лячэнне.
У снежні было зафіксавана 27 выпадкаў віруснай пнеўманіі, сем чалавек знаходзяцца ў вельмі цяжкім стане. Яшчэ двое пайшлі на папраўку і будуць выпісаныя ў найбліжэйшы час.
