Дыстанцыю 12,5 км спартсменка пераадолела за 37 хвілін 40,7 секунды з дзвюма промахамі на чатырох агнявых рубяжах.
Д.Домрачава была адзінай беларускай удзельніцай гэтай гонкі. Перамогу атрымала немка Зімоне Хаўсвальд (36.54,6; 1 промах), на другім месцы — шведка Хелена Юнсан (+15,1; 0), на трэцім — яшчэ адна немка Андрэа Хенкель (+26,9; 3).
У мужчынскай гонцы з масавым стартам на 15 км Рустам Валіулін фінішаваў 26‑м сярод 30 удзельнікаў (40.54,9; 6 промахаў). Першыя месцы падзялілі аўстрыйцы Зімон Эдэр (37.14,4; 0) і Дамінік Ландэртынгер (+12,1; 1), на трэцяй пазіцыі нарвежац Оле‑Эйнар Б’ёрндален (+17,0; 3).
У агульных заліках мас‑стартаў Д.Домрачава заняла сёмае месца (146 ачкоў), Вольга Кудрашова — 31‑е (46), Надзея Скардзіна — 37‑е (33), Вольга Назарава — 44‑е (15); Р.Валіулін — 27‑е (68).
Малыя крыштальныя глобусы заваявалі Х.Юнсан (210) і Д.Ландэртынгер (208).
Кубак свету выйгралі Х.Юнсан (952 ачкі) і О.‑Э.Б’ёрндален (1.080).
Д.Домрачава заняла сёмае месца ў агульным заліку (776 ачкоў),
В.Кудрашова — 33‑е (229), Н.Скардзіна — 38‑е (179), В.Назарава — 39‑е (174), Людміла Калінчык — 72‑е (45), Людміла Ананька — 77‑е (27).
У параўнанні з папярэднім сезонам Д.Домрачава паднялася на 19 пазіцый, В.Кудрашова — на 17, Н.Скардзіна — на 32, В.Назарава — на 26. Л.Калінчык апусцілася на 10 пазіцый, Л.Ананька — на 11.
У мужчынскім заліку Р.Валіулін заняў 30‑е месца (279 ачкоў),
Сяргей Новікаў — 42‑е (182), Аляксандр Сыман — 66‑е (73), Сяргей Садоўнікаў — 84‑е (21), Яўген Абраменка — 107‑е (1). У мінулым годзе Р.Валіулін быў 51‑м, С.Новікаў — 52‑м, А.Сыман — 81‑м.
Прызавыя месцы заваёўвала толькі Д.Домрачава (другое ў спрынце ў Антхольцы і трэцяе там жа ў гонцы пераследу, а таксама трэцяе ў спрынце ў Рупольдынгу).
