Актывісту «Маладога Фронту» Пятру Рузаву пагражаюць выключэннем з Баранавіцкага дзяржаўнага ўніверсітэта за шэраг графіці.
На выходных невядомыя абмалявалі баранавіцкае дэпо антыкарупцыйнымі лозунгамі.
Па гэтым факце міліцыя распачала праверку і падазрае ў гэтым баранавіцкіх «маладафронтаўцаў». Пра гэта паведаміў супрацоўнік міліцыі «маладафронтаўцу» Пятру Рузаву, калі прыйшоў да яго ва ўніверсітэт.
«Міліцыянт быў упэўнены, што графіці нанёс ці я, ці нехта з маіх сяброў‑маладафронтаўцаў», — кажа Пётр Рузаў.
Па словах юнака, пасля апошняга візіту супрацоўніка міліцыі дэкан фінансава‑прававога факультэта Баранавіцкага дзяржаўнага ўніверсітэта прыгразіў першакурсніку адлічэннем за актыўную грамадскую дзейнасць.