24.04.2009 / 12:05

Першая жанчына‑касманаўт ў дзяцінстве гаварыла па‑беларуску

Па‑беларуску гаварыла ў дзяцінстве першая жанчына‑касманаўт Валянціна Церашкова. Пра гэта яна распавяла падчас наведвання Мінска.

Па-беларуску гаварыла ў дзяцінстве першая жанчына-касманаўт Валянціна Церашкова. Пра гэта яна распавяла падчас наведвання Мінска.

«Мая мама родам з вёскі Ерамееўшчына цяперашняга Дубровенскага раёна, а тата — з-пад Магілёва, — распавядае Церашкова. — Бацькі выехалі ў Цэнтральную Расію ў пачатку ХХ стагоддзя, бо дома не маглі пракарміцца.

Усе мае бабулі гаварылі па-беларуску, спявалі беларускія песні. З мяне самой у Яраслаўлі пасмейваліся, калі замест «открой дверь» гаварыла «адчыні дзверы».