Казулін, Мілінкевіч, Шушкевіч, Сурвілла, Пазняк з Тапаланкам.
Сёньня Івонка Сурвіла, Зянон Пазьняк, Станіслаў Шушкевіч, Аляксандар Казулін і Аляксандар Мілінкевіч былі прынятыя прэм’ер‑міністрам Чэхіі Мірэкам Тапаланкам. Палітыкі знаходзяцца ў Празе на запрашэньне міністэрства замежных справаў Чэхіі.
Свае ўражаньні ад сустрэчы выказаў Зянон Пазьняк: «Мы абмяркоўвалі праграму «Ўсходняе партнэрства» і па ўсіх пунктах знайшлі паразуменьне. Асабліва нам істотна, што прэм’ер падтрымаў нашу пазыцыю па зьберажэньні беларускай культуры. Гэта вельмі істотна. Мы абмяняліся думкамі і мелі агульную пазыцыю ў гэтым. Засьведчана, што захаваньне беларускай культуры — гэта ёсьць захаваньне дэмакратыі».