Зборная Беларусі па тэнісе з трэскам прайграла зборнай Паўднёвай Афрыцы ў матчы Кубку Дэвіса за права выступаць у плей-оф Сусветнай групы.
Матчы праходзілі ў Ёханэсбургу.
У пятніцу Андрэй Каратчэня прайграў Рыку дэ Вусту – 1:6, 4:6, 1:6, а Уладзімір Ігнацік – Ізааку ван дэр Мэрве – 4:6, 3:4, гэты матч не быў дагуляны, Ігнацік кепска пачуваўся і зняўся са спаборніцтваў. Тым не менш была залічана параза.
У суботу Максім Мірны і Сяргей Бетаў прайгралі Джэфу Кутзээ і Рык дэ Вусту 3:6, 4:6, 6:7.
Такім чынам у суботу лік стаў 3:0, і зборная ПАР выйграла гэта матч датэрмінова, але сёння былі дагуляныя дзве сустрэчы: Рафэн Клаасэн – Сяргей Бетаў – 6:1, 6:4.
Ізаак ван дэр Мэрве – Андрэй Каратчэня – 6:1, 6:3.
У выніку 5:0,
і 10-12 ліпеня зборная Беларусі будзе гуляць у першым раўндзе плэй-оф Еўра-Афрыканскай групы са зборнай былой югаслаўскай рэспублікі Македонія.
Дзе пакуль невядома.
0
0
0
0
0
0
