Знайдзі Глеба :) fcbarcelona.cat
Фінальны матч на Кубак Іспаніі прайшоў у Валенсіі на стадыёне «Месталья». «Барселона» разграміла «Атлетык» (Більбао) з лікам 4:1.
Баскі першымі адкрылі лік (Тарэра, 8), але на 31‑й хвіліне Яя Турэ зраўняў лік, а цягам дзевяці хвілін другога тайму ў вароты «Атлетыка» уляцелі тры мячы (Ліянель Мессі, 55, Боян Кркіч, 59, Хаві, 64).
«Барселона» заваявала Кубак Іспаніі ў 24‑ты раз (апошні раз у 1998 г.).
Беларускі паўабаронца «Барсы» Аляксандр Глеб выйшаў на поле на 84‑й хвіліне, замяніўшы Кркіча.
Дарэчы, беларус браў удзел у васьмі з дзевяці матчаў «Барсы» на Кубак Іспаніі. Прычым у сямі выйшаў у стартавым складзе, і толькі ўчора на замену. У адрозненні ад матчаў чэмпіянату Іспаніі, дзе беларус згуляў 45,7% гульняў (16 з 35).
***
У наступным туры, 36‑м туры, каталонскі клуб можа дэ‑юрэ заваяваць 19‑ты тытул чэмпіёна краіны. Для гэтага трэба або перамагчы ў гасцях «Мальёрку», або каб мадрыдскі «Рэал» не выйграў у гасцях у «Вільярэала». «Барса» ў мінулым туры акурат згуляла з «Вільярэалам» унічыю — 3:3.
***
Учора з'явілася інфармацыя, што Аляксандр Глеб, які так і не стаў гульцом асноўнага складу «Барсы», трапіў у сферу інтарэсаў міланскага «Інтэра».