Пра гэта ён заявіў падчас прэс-канферэнцыі, прысвечанай перамозе ў фінале конкурсу «Еўрабачанне»
У першыя хвіліны прэс-канферэнцыі пераможца «Еўрабачання» Аляксандр Рыбак падзякаваў Беларусі за 12 балаў.
«Дзякуй Беларусі за 12 балаў», – сказаў нарвежскі спявак, паведамляе БЕЛТА.
Сам бы ён прагаласаваў за Ісландыю, а найлепшай назваў песню Святланы Лабады з Украіны.
"Я ўсё ж настойваю на тым, што я ў першую чаргу скрыпач, а потым спявак. Магчыма мне дапамагло тое, што я напісаў песню ўласнага выканання",
цытуе Аляксандра Бі-Бі-Сі.
У найбліжэйшых планах выканаўцы па вяртанні ў Нарвегію – вялікая праца па падрыхтоўцы альбома "Казкі", які ўжо чакаюць ў больш чым двух дзясятках краін.
У пачатку чэрвеня альбом пабачыць свет, а потым Аляксандр адправіцца
на гастролі ў многія краіны, і спачатку ў Беларусь і Расію,дадае БЕЛТА.
***
Аляксандр Рыбак – ураджэнец Менска – выйграў Еўрабачанне, устанавіўшы рэкорд. Яшчэ ніхто не набіраў 387 балаў, а маладога чалавека паставілі на першае месца 16 краін.
Прэм’ер-міністр Енс Столтэнберг назваў поспех Аляксандра велізарным поспехам для Нарвегіі.