Прагноз надвор’я ў Беларусі на 12—14 чэрвеня.
Паводле прагнозу Рэспубліканскага гідраметэацэнтра, у Беларусі 12 чэрвеня будзе воблачна з праясненнямі. На большай частцы тэрыторыі кароткачасовыя дажджы, навальніцы.
У цэнтральных і ўсходніх раёнах месцамі моцныя ліўні, град.
Вецер паўднёва‑ўсходні, днём з пераходам на заходні 5—10 м/с, пры навальніцах месцамі шквалістае ўзмацненне да 15—20 м/с, у асобных раёнах да 24 м/с. Тэмпература паветра ўначы плюс 10—16°C, па паўднёвым усходзе да плюс 20°C; днём плюс 16—21°C, па ўсходняй палове плюс 22—27°C.
Заўтра ў Мінску — воблачна з праясненямі. Кароткачасовыя дажджы, навальніцы, уначы моцны лівень. Вецер паўднёва‑ўсходні, днём з пераходам на заходні 5—10 м/с, пры навальніцы месцамі шквалістае ўзмацненне да 15—20 м/с. Тэмпература паветра ўначы плюс 12—14°С, днём плюс 19—21°С.
У наступныя двое сутак, 13 і 14 чэрвеня, па краіне чакаецца воблачнае з праясненнямі надвор’е.
13 чэрвеня на большай частцы тэрыторыі кароткачасовыя дажджы, уначы па ўсходзе месцамі моцныя дажджы, у асобных раёнах навальніцы. Вецер заходні, паўднёва‑заходні 5—10 м/с, пры навальніцах парывы да 14 м/с. Тэмпература паветра ўначы плюс 7—14°C, днём плюс 14—21°C.
13 чэрвеня ў Мінску — воблачна з праясненнямі. Кароткачасовы дождж, магчымая навальніца. Вецер заходні, паўднёва‑заходні 5—10, пры навальніцы парывы да 14 м/с. Тэмпература паветра ўначы плюс 8—10°С, днём плюс 15—17°С.
14 чэрвеня ўначы на большай частцы тэрыторыі, днём месцамі кароткачасовыя дажджы, месцамі навальніцы. Вецер паўднёва‑заходні 5—10 м/с, пры навальніцах парывы да 14 м/с. Тэмпература паветра ўначы плюс 7—12°C, днём плюс 15—22°C.