Усё часцей беларусы ладзяць прыватныя канцэрты. 80 чалавек сабраліся на чарговы фэсцік на прыватным падворку побач з праспектам Машэрава.
Спявалі гурт «Рэха» з поўным шарму Андрэем Такіндангам, «Гараднічанка», «Князь Мышкін» і «Тэатр Кустава» з пастаноўкай захапляльнай, хоць і малавытлумачальнай.
Гаспадыня канцэртавай пляцоўкі, Валя Лойка, паклапацілася пра тое, каб гледачы атрымалі толькі пазітыўныя эмоцыі.
А гледачы хто?
Сваякі, знаёмцы, знаёмцы знаёмцаў і проста інтэрнаўты. Суседзі спачатку зазіралі праз плот, а пасля і самі зайшлі. Зайшло й сонца — і канцэрт скончыўся феерверкам.
У прыватным падворку над вадасховішчам Дразды.
Запальваў публіку Такінданг.
Гаспадыня Валя Лойка (справа) падбала пра атмасферу фэсту.
Абслугоўвалі людзей акторы на хадулях.
Яна тут жыве.
А побач растуць харомы лукашэнкаўцаў.
0
0
0
0
0
0