Прагноз надвор’я ў Беларусі на 22—24 ліпеня.
Паводле прагнозу Рэспубліканскага гідраметэацэнтра, 22 ліпеня ў Беларусі чакаецца пераменная воблачнасць. Ноччу пераважна без ападкаў. Днём месцамі кароткачасовыя дажджы, у асобных раёнах навальніцы. Раніцай месцамі слабы туман. Вецер паўднёва‑заходні 3—8 м/с, днём пры навальніцах парывы да 14 м/с. Тэмпература паветра ноччу плюс 9—15°C, днём плюс 19—25°C, па Брэсцкай вобласці да плюс 27°C.
У Мінску 22 ліпеня пераменная воблачнасць, без істотных ападкаў. Вецер паўднёва‑заходні 3—8 м/с. Тэмпература паветра ноччу плюс 11—13°C, днём плюс 22—24°C.
У наступныя двое сутак, 23 і 24 ліпеня, па краіне чакаецца воблачнае з праясненнямі надвор’е.
23 ліпеня на большай частцы тэрыторыі Беларусі кароткачасовы дажджы, месцамі навальніцы. Вецер паўднёвы, паўднёва‑заходні 5—10 м/с, днём пры навальніцах парывы да 15—20 м/с. Тэмпература паветра ноччу плюс 9—16°C, па паўднёвым захадзе да 19°C, днём плюс 23—29°C, па паўднёвым захадзе 30—33°C, у паўночна‑ўсходніх раёнах плюс 19—22°C.
24 ліпеня на большай частцы тэрыторыі краіны прагназуюцца кароткачасовыя дажджы, месцамі дажджы моцныя, навальніцы. Вецер паўднёвы, днём з пераходам на заходні 6—11 м/с, днём пры навальніцах парывы 15—20 м/с. Тэмпература паветра ноччу плюс 15—22°C, днём ад плюс 23—25°C на паўночным захадзе да плюс 32—34°C на паўднёвым усходзе.
У Мінску 23 ліпеня будзе воблачна з праясненнямі. Кароткачасовыя дажджы, навальніцы. Вецер паўднёвы, паўднёва‑заходні 5—10 м/с, пры навальніцах парывы да 14 м/с. Тэмпература паветра ноччу плюс 13—15°C, днём плюс 25—27°C.
