Затрыманы злачынца, які збіў 43‑гадовую жыхарку Слоніма ў суботу. Жанчына накіроўвалася на дачу ў бок вёскі Чамяры.
Маладзён, які ішоў ёй насустрач, раптоўна выламаў штыкеціну з прыпынку і пачаў збіваць жанчыну.
Як паведамляе ГУУС Гродзенскага аблвыканкама, цягам дзяжурных сутак супрацоўнікам Слонімскага РАУС удалося ўстанавіць асобу злачынцы.
Ім аказаўся непаўналетні вучань каледжа. Ён вяртаўся з вясковай дыскатэкі, калі сустрэў жанчыну.
Уначы ён таксама выбіў шкло ў краме і спрабаваў туды ўлезці, але здзейсніць злачынства перашкодзілі краты ў сельмагу. Яму пагражае пакаранне артыкуле 339 частцы 3 «Асабліва злоснае хуліганства», якое прадугледжвае ад трох да дзесяці гадоў пазбаўлення свабоды.
0
0
0
0
0
0