За суткі тут выпала 80% месячнай нормы ападкаў. Дождж не сунімаецца дагэтуль. У
Паводле інфармацыі абласнога ўпраўлення па надзвычайных сітуацыях, у некаторых раёнах размыла дарогі.
Напрыклад, на магістралі Магілёў — Чавусы вадой змыта дзесяць метраў асфальтавага пакрыцця.
Дабрацца да райцэнтра Чавусы можна толькі ў аб’езд. Падтапіла і чыгуначны перагон на ўчастку Магілёў — Вендраж.
Пад вадой апынуліся прыватныя і калгасныя палеткі.
У абласным цэнтры каналізацыйныя калектары не спраўляюцца з вадою. Падтапіла сорак пяць прыватных дамоў і падвалы трох шматпавярховых дамоў. Жыхароў не адсялялі.
У адпампоўванні вады задзейнічаныя пажарныя машыны, тэхніка гарадскога водаканалу, камунальных і дарожных службаў.
0
0
0
0
0
0
