Упершыню навукоўцам удалося пазбегнуць развіцця эпілепсіі, развіццё якой было закладзена на генным узроўні. Праўда, як звычайна, поспех дасягнуты пакуль толькі на лабараторных мышах.
Але медыкі спадзяюцца правесці аналагічныя доследы на людзях, што пакутуюць на эпілепсію.
У шмат якіх выпадках генная прычына эпілепсіі хаваецца ў ключавым гене ATP1a3, што кантралюе ўзроўні натрыя і калія ў клетках мозгу, кажуць аўтары новай методыкі з Універсітэта Лідса. Раней даследчыкі толькі падазравалі, што дысбаланс гэтых элементаў выклікае эпілепсічныя прыступы. Зараз гэта даказана на практыцы.
»Нізкія ўзроўні калія і натрыя ў клетках мозгу правакуюць эпілептычныя прыступы. Нам ўдалося знайсці ген, што кантралюе ўзровень гэтых элементаў»,‑‑кажа аўтар даследавання доктар Стыў Клэпкот.
У большасці выпадкаў у людзей корані такога захворвання, як эпілесія, хаваюцца менавіта ў генных асаблівасцях, а па‑другое, хімічная складовая гена ATP1a3 у людзей і мышэй ідэнтычна на 99%, кажа даследчык.
Зараз навукоўцам трэба знайсці адрозненні, якія маюць чалавечы ген ATP1a3 і клеткі мозгу, дзе рэгулююцца ўзроўні натрыя і калія.
На эпілепсію пакутуе кожны 200‑ы жыхар планеты, сённяшнія апараты працуюць толькі на 30 % эпілепцікаў, зазначаў навуковец.
