Па словах кіраўніка прадпрыемства Яўгена Малашэвіча, дзённікі на роднай мове разыходзяцца ўмомант.
З кожным годам Мінская фабрыка каляровага друку — адно з лепшых паліграфічных прадпрыемстваў Беларусі — павялічвае выпуск выданняў і тавараў на беларускай мове, з дзяржаўнай і нацыянальнай сімволікай.
Вось што расказаў галоўны рэдактар фабрыкі Яўген Малашэвіч: «Мінская фабрыка каляровага друку ў гэтым годзе працягвае добрую традыцыю друкавання школьных тавараў на беларускай мове. Маюцца на ўвазе дзённікі, розная папярова-чыставая прадукцыя — сшыткі, дзённікі для заняткаў у музычных школах і г.д. Гэта ўсё скарыстоўваецца з даволі вялікім поспехам.
Цяпер на ўсіх узроўнях многа гавораць аб назапашванні на складах прадпрыемстваў краіны свабоднай прадукцыі, дык вось гэта не тычыцца тавараў нашай фабрыкі, аб якіх я гавару.
Напрыклад, у мінулым годзе беларускамоўных дзённікаў мы выдалі з пэўнымі нават цяжкасцямі (таму што гэта патрабуе доўгіх узгадненняў з Міністэрствам адукацыі) 25 тысяч. Яны разышліся ўмомант. У гэтым годзе надрукавалі ўжо 75 тысяч — яны зноў хутка зніклі.Вы ведаеце, што традыцыйная форма дзённікаў не прадугледжвае такой шматколернасці, але ў нас многія бяруць такія дзённікі з добрым натхненнем. Думаю, у наступным годзе зноў будзем павялічваць гэтыя тыражы, таму што попыт дыктуе нашы пэўныя эканамічныя выгады, і мы гэтаму рады».
Яўген Малашэвіч паказвае каляровыя дзённікі з сімваламі і выявамі беларускіх краявідаў і працягвае: «Мы цяпер надаем шмат увагі такім рэчам і змяшчаем, напрыклад, на вокладкі блакнотаў, якія друкуюцца сотнямі тысяч экземпляраў, выявы нашых помнікаў і гістарычных мясцінаў — Мірскага замка, куточкаў Нясвіжчыны.
Плануецца і далей пашыраць выпуск падобных выданняў і друкаванне такіх тавараў народнага ўжытку не толькі для школьнікаў, а і для студэнтаў, для дарослых — для ўсіх, хто цікавіцца гісторыяй роднага края. А такіх у нас штогод становіцца ўсё больш».
