Фота Uralweb.ru.
Паводле прагнозу Рэспубліканскага гідраметэацэнтра, 15 верасня ў Беларусі будзе воблачна з праясненнямі. Па поўдні кароткачасовыя дажджы, магчымыя навальніцы. Ноччу і раніцай у асобных раёнах туман. Вецер паўночна-ўсходні, 3—8 м/с, пры навальніцах парывы да 14 м/с. Тэмпература паветра ноччу +7—14°C, па поўначы +3—6°C, днём +16—22°C, па Гомельскай і Брэсцкай абласцях да +24°C.
У Мінску воблачна з праясненнямі, без істотных ападкаў. Ноччу і раніцай месцамі па горадзе слабы туман. Вецер паўночна-ўсходні 3—8 м/с. Тэмпература паветра ноччу +7—9°C, днём +18—20°C.
16 верасня ў Беларусі чакаецца пераменная воблачнасць. Пераважна без ападкаў, толькі па паўночным захадзе кароткачасовыя дажджы. Ноччу і раніцай месцамі туман. Вецер паўднёва-ўсходні 3—8 м/с. Тэмпература паветра ноччу +5—12°C, днём +17—23°C, па паўднёвым захадзе да +25°C.
17 верасня воблачна з праясненнямі. Ноччу па паўночна-заходняй палове, днём на большай частцы тэрыторыі кароткачасовыя дажджы, месцамі навальніцы. Вецер паўднёвы з пераходам на паўночна-заходні 4—9 м/с, пры навальніцах парывы да 14 м/с. Тэмпература паветра ноччу +7—13°C, днём +15—22°C, па поўдні да +25°C.
У Мінску 16 верасня пераменная воблачнасць, без ападкаў. Ноччу і раніцай слабы туман. Вецер паўднёва-ўсходні 3—8 м/с. Тэмпература паветра ноччу +8—10°C, днём +20—22°C. БелаПАН.
