Народныя прымаўкі кажуць: «Ільля нарабіў гнільля», «Прыйшоў Пятрок, апаў лісток. Прыйшоў Ільля, апалі два». Лета пакрысе пачынае здаваць свае пазыцыі і хутка саступіць месца прыгажуні восені.
Лічыцца, што 2 жніўня абавязкова будуць грымоты ці дажджы. У гэты дзень сьвяты Ільля-прарок (Гальляш), які ў хрысьціянскай традыцыі замяніў пагрозьлівага Перуна, разьяжджае ў залатой калясьніцы па нябесных прасторах і аглядае ўладаньні. І на таго, хто працуе, насылае маланкі з грымотамі. Але кожны павінен вырашаць сам: працаваць альбо не. Дзень жа працоўны.
А вось сыноптыкі на 2 жніўня абяцаюць у Менску дажджы і паніжэньне тэмпэратуры да васямнаццаці градусаў. Значыць з раніцы Ільля-прарок будзе рыхтаваць сваю калясьніцу.
0
0
0
0
0
0
