Міністр замежных спраў Беларусі Сяргей Мартынаў 21 кастрычніка накіраваўся з візітам у Брусель.
Як паведамляе прэс‑служба МЗС Беларусі, у ходзе візіту, які будзе доўжыцца па 23 кастрычніка,
запланаваны перамовы Мартынава з намеснікам старшыні Еўрапейскай камісіі — еўракамісарам па свабодзе, бяспецы і правасуддзі Жакам Баро і еўракамісарам па фінансавых і эканамічных пытаннях Хаакінам Альмунія.
Бакі абмяркуюць перспектывы спрашчэння візавага рэжыму ЕС для беларускіх грамадзян, шляхі нарошчвання супрацоўніцтва ў галіне аховы межаў і барацьбы з нелегальнай міграцыяй, актывізацыі крэдытна‑інвестыцыйнага ўзаемадзеяння паміж Беларуссю і ЕС, паўнацэннага выкарыстання Беларуссю магчымасцей удзелу ў ініцыятыве ЕС «Усходняе партнёрства».
0
0
0
0
0
0
