Прагноз надвор’я ў Беларусі на 5—7 студзеня.
Паводле прагнозу Рэспубліканскага гідраметэацэнтра, у бліжэйшыя суткі ў Беларусі будзе воблачна з праясненнямі. Пераважна без ападкаў, толькі ў паўночных раёнах невялікі снег. Ноччу і раніцай у асобных раёнах туман, шэрань. На дарогах месцамі галалёдзіца. Вецер паўднёвы 3—8 м/с. Тэмпература паветра ноччу мінус 12—19°С, пры праясненнях
да мінус 22—24°С, днём мінус 7—13°С.
У Мінску 5 студзеня воблачна з праясненнямі. Без істотных ападкаў. На дарогах месцамі галалёдзіца. Вецер паўднёвы 3—8 м/с. Тэмпература паветра ноччу мінус 16—18°С, днём мінус 10—12°С.
***
6 студзеня ў Беларусі воблачна з праясненнямі. Ноччу месцамі кароткачасовы снег. Днём складаныя ўмовы надвор’я: на большай частцы тэрыторыі снег, у асобных раёнах па поўдні моцны снег, мяцеліца. На дарогах галалёдзіца. Вецер паўднёва‑ўсходні 6—11 м/с, днём месцамі парывы да 15—18 м/с. Тэмпература паветра
ноччу мінус 7—14°С, пры праясненнях да мінус 16—18°С, днём мінус 1—8°С.
***
7 студзеня будзе воблачна. Ноччу часам снег, месцамі моцны снег, мяцеліца, на дарогах снежныя заносы. Днём на большай частцы тэрыторыі кароткачасовы снег, слабая мяцеліца. На асобных участках дарог галалёдзіца. Вецер паўднёва‑ўсходні з пераходам на паўднёва‑заходні 6—11 м/с, ноччу ў асобных раёнах парывы да 15—18 м/с.
Тэмпература паветра ноччу мінус 1—8°С, па поўначы да мінус 10°С, днём мінус 4 — плюс 2°С.
У Мінску 6 студзеня воблачна з праясненнямі. Ноччу без істотных ападкаў, днём часам снег, слабая мяцеліца. На асобных участках дарог галалёдзіца. Вецер паўднёва‑ўсходні 6—11 м/с, днём парывы да 14 м/с. Тэмпература паветра ноччу мінус 8—10°С, днём мінус 3—5°С.
