Гродзенскі журналіст звярнуўся з гэтай нагоды да Генеральнага пракурора Беларусі.
Як распавёў А. Пачобут, зараз ён знаходзіцца ў Івянцы (Мінская вобл.), дзе разгортваецца канфлікт паміж прадстаўнікамі польскай дыяспары (актывістамі непрызнанага Саюза палякаў) і мясцовымі ўладамі. (Пра сутнасць канфлікту і пра падзеі ў Івянцы журналіст падрабязна распавядае ў сваім блогу).
20 студзеня ён атрымаў на мабільны тэлефон званок ад невядомага мужчыны.
Незнаёмец папярэдзіў, што ў выпадку, калі А. Пачобут тэрмінова не з’едзе з Івянца, дзе разгортваецца канфлікт паміж прадстаўнікамі польскай дыяспары (актывістамі непрызнанага Саюза палякаў) і мясцовымі ўладамі. (Пра сутнасць канфлікту і пра падзеі ў Івянцы журналіст падрабязна распавядае ў сваім блогу),
то ён рызыкуе страціць сям’ю.
У прыватнасці, невядомы згадаў цяжарную жонку Пачобута. Нумар, з якога тэлефанаваў невядомы, не адказвае. «Ці то званілі нейкім хітрым спосабам, ці то банальна з тэлефоннай будкі ці пошты», — мяркуе журналіст.
Ён лічыць, што пагрозы могуць зыходзіць ад супрацоўнікаў беларускіх спецслужбаў.
У сваім звароце на імя генеральнага пракурора РБ Рыгора Васілевіча А. Пачобут патрабуе спыніць пераслед яго сям’і.
«Дзеянні незнаёмца, які мне пагражаў, падпадаюць пад артыкул крымінальнага кодэкса, у сувязі з чым я і патрабую ад генеральнага пракурора прыняць адпаведныя захады да злачынцаў», — паведаміў А. Пачобут.
Гэта не першы выпадак пагроз на адрас журналіста. У лютым мінулага года невядомыя парэзалі ўваходныя дзверы ў яго кватэры ў Гродна, а яго 8-гадовай дачцэ неаднаразова тэлефанаваў незнаёмы мужчына. Тады праваахоўныя органы Гродна адмовіліся заводзіць крымінальную справу — міліцыянты вырашылі, што дзеянні зламыснікаў не неслі рэальнай пагрозы.
