Прыкладна з 500 тыс. адзінак аўтатранспарту, які знаходзіцца ў прыватным карыстанні ў Мінску, толькі 35% забяспечана месцамі на аўтастаянках і гаражамі.
Пра гэта на прэс‑канферэнцыі 27 студзеня паведаміў начальнік упраўлення аховы грамадскага парадку і прафілактыкі ГУУС Мінгарвыканкама Юрый Сарокін.
Паводле яго інфармацыі, цяпер у горадзе налічваецца 230 аўтастаянак і 250 гаражна‑будаўнічых кааператываў.
Пры гэтым Юрый Сарокін назваў парадаксальнай сітуацыю, калі пры агульным дэфіцыце месцаў, куды можна паставіць аўтамабіль на ноч, у той жа час на аўтастаянках ёсць каля 2 тыс. свабодных месцаў.
Праўда, гаворка ідзе толькі аб пяці з дзевяці раёнаў сталіцы. Так, у Заводскім раёне свабодныя 343 месцы, Кастрычніцкім — 305, Партызанскім — 201, Першамайскім — 1.059, Савецкім — 285. У Фрунзенскім, Цэнтральным, Ленінскім і Маскоўскім раёнах свабодных месцаў няма. Чэргі налічваюць ад 300 да 1.000 чалавек.
0
0
0
0
0
0
