Расея вядзе перамовы з польскім бокам пра набыцьцё прадпрыемства «Мажэйкю нафта».Гэта пацьвердзіў расейскі прэм’
ер-міністар Уладзімер Пуцін падчас сустрэчы з прэзыдэнтам Літвы Даляй Грыбаўскайце.
Ад посьпеху перамоваў паміж Расеяй і канцэрнам PKN Orlen будуць залежаць пастаўкі нафты ў Мажэйкяй. Пра гэта прэзыдэнт Літвы заявіла ў інтэрвію Reuters. Яна сказала, што, набыўшы завод, расейцы без асаблівых праблемаў запусьцяць нафтаправод «Дружба», які з загадкавых прычынаў «прыйшоў у непрыдатны стан» у 2006 годзе.
Прэм’ер Літвы Андрус Кубілюс ня лічыць заяву Пуціна доказам таго, што палякі насамрэч вядуць перамовы з Крамлём. Словы Пуціна, хоць і не катэгарычна, адмаўляюць і прадстаўнікі PKN Orlen.
Эўрапарлямэнтар Вітаўтас Ландсбэргіс заклікаў урад як мага хутчэй зьвярнуцца ў Брусэль у зьвязку з магчымым продажам расейцам «Мажэйкю нафта», паведамляе агенцтва DELFI. Паводле Ландсбэргіса, такая зьдзелка была б небясьпечнай ня толькі для Літвы, але і для ўсяго ЭЗ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)